چین چاند پر مستقل اڈہ بنانے کے لیے ایک نیا تجربہ کر رہا ہے، جس میں چاند کی مٹی سے اینٹیں بنانے کی کوشش کی جا رہی ہے۔ چین کی خلائی ایجنسی نے اس سلسلے میں ایک کارگو کرافٹ “تینزو 8” لانچ کیا ہے تاکہ چاند پر تعمیر کے لیے درکار مواد کی تحقیق کی جا سکے۔
چاند پر اڈہ بنانے کی کوششوں میں کئی مشکلات ہیں جیسے کائناتی تابکاری، درجہ حرارت میں شدت اور چاند کے زلزلے۔ ان چیلنجز کا مقابلہ کرنے کے لیے، چین کے سائنسدانوں نے زمین پر چاند کی مٹی سے ملتے جلتے مواد سے اینٹیں تیار کی ہیں تاکہ اس بات کا جائزہ لیا جا سکے کہ آیا یہ مواد چاند کی ماحول میں کام کر سکتا ہے یا نہیں۔
چینی سائنسدانوں نے پروٹو ٹائپ اینٹوں کے ٹکڑے خلا میں بھیجے ہیں تاکہ ان کی پائیداری اور کارکردگی کا مطالعہ کیا جا سکے۔ یہ تجربہ چاند پر اڈے کی تعمیر کے لیے ایک اہم قدم ثابت ہو سکتا ہے۔
دنیا نیوز – جیو نیوز – 92 نیوز – جنگ نیوز – جنگ نیوز
