چارسدہ: جمعرات کی صبح اخوند دہری کے علاقے میں پولیس وین کے قریب خود کش دھماکہ ہوا ۔
تفصیلات کے مطابق، ایک خود کش بمبار نے چارسدہ کے علاقے اخوند دہری میں پولیس وین کے قریب خود کو دھماکے سے اڑایا، لیکن خوش قسمتی سے پولیس وین اور وہاں ڈیوٹی پر موجود اہلکار دھماکے سے محفوظ رہے کیونکہ اس وقت کوئی عوامی ہجوم وہاں موجود نہیں تھا۔
پولیس حکام کے مطابق حملہ آور نے دھماکہ اس وقت کیا جب پولیس کی گاڑی وہاں سے گزر چکی تھی۔ دھماکے کی آواز دور دور تک سنائی دی، جس کے بعد پولیس کی بڑی نفری جائے وقوعہ پر پہنچ گئی اور تحقیقات کا آغاز کر دیا۔ فی الحال کسی جانی نقصان کی اطلاع نہیں ملی ہے۔
پاکستان میں طالبان کے افغانستان میں اقتدار میں آنے کے بعد دہشت گردی کے واقعات میں اضافہ دیکھنے کو ملا ہے۔
اس سے پہلے 26 اکتوبر کو شمالی وزیرستان کے میر علی تحصیل میں ایک خودکش دھماکے میں آٹھ افراد بشمول چار پولیس اہلکار شہید ہو گئے تھے۔ پولیس کے مطابق حملہ ایڈک کے علاقے میں پولیس چوکی کو نشانہ بنا کر کیا گیا تھا۔
دھماکے کے بعد زخمیوں کو فوری طور پر ہسپتال منتقل کیا گیا اور سیکورٹی فورسز نے جائے وقوعہ کو گھیر لیا۔
اے آر وائی نیوز – پولیس حکام – شمالی وزیرستان پولیس – سیکورٹی فورسز
