پاکستان اور بنگلہ دیش کے مابین سمندری راستے سے تجارت کا آغاز ہوا ہے، جسے دونوں ملکوں کے اقتصادی تعلقات کے لیے سنگ میل سمجھا جا رہا ہے۔ کئی دہائیوں کے بعد پاکستان کا ایک مال بردار جہاز چٹاگانگ کی بندرگاہ پر پہنچا ہے۔ کراچی سے روانہ ہونے والا 2300 ٹی اے یو کا یہ کارگو بحری جہاز بدھ کے روز بنگلہ دیش پہنچا۔ پاکستان ہائی کمیشن نے اس ترقی کو سپلائی چین کے لیے اہم قرار دیتے ہوئے کہا کہ اس سے نہ صرف وقت کی بچت ہوگی بلکہ دونوں ممالک کے لیے نئے تجارتی امکانات بھی پیدا ہوں گے۔
پاکستان اور بنگلہ دیش کے تعلقات، 1971 کی جنگ اور بنگلہ دیش کی آزادی کے بعد کبھی بھی ایک ہی سطح پر نہیں رہے۔ بنگلہ دیش کی وزیر اعظم شیخ حسینہ واجد کے دور میں سرد مہری دیکھنے کو ملی تھی، مگر حالیہ برسوں میں حالات میں بہتری آئی ہے، اور 2024 میں عبوری حکومت کے سربراہ محمد یونس کے دور میں دونوں ممالک کے درمیان تعلقات مزید مستحکم ہوئے ہیں۔
ستمبر میں اقوام متحدہ کے اجلاس کے دوران پاکستان اور بنگلہ دیش کی حکومتوں کے درمیان تعاون بڑھانے کے عزم کا اعادہ کیا گیا تھا۔ پاکستانی سفارتخانے نے بتایا کہ تقریباً 20 سال کے بعد دونوں ملکوں کے درمیان براہ راست سمندری تجارت کا رابطہ دوبارہ فعال ہوا ہے۔
پاکستان ٹوڈے – ایکسپریس نیوز – ڈان نیوز – بی بی سی اردو
