موبائل فون اب سگنلز کے بغیر: اسپیس ایکس کی نئی ڈائریکٹ ٹو سیل سروس
ایلون مسک کی اسپیس ایکس نے موبائل کمیونیکیشن میں انقلابی قدم اٹھاتے ہوئے “ڈائریکٹ ٹو سیل” نامی سیٹلائٹ سروس متعارف کرائی ہے۔ اس سروس کے ذریعے صارفین موبائل فونز، چاہے وہ آئی فون ہوں یا اینڈرائیڈ، سے زمین کے کسی بھی کونے سے کال کر سکیں گے، اور خاص بات یہ ہے کہ موبائل فون اب سگنلز کے بغیر کام کریں گے۔
اسمارٹ فونز میں کسی اضافی تبدیلی کی ضرورت نہیں ہوگی، بس ایل ٹی ای سپورٹ ہونا کافی ہے۔ یہ سروس ان علاقوں میں بھی موبائل رابطے ممکن بنائے گی جہاں موبائل فون سگنلز دستیاب نہیں ہوتے۔ سیٹلائٹس میں نصب جدید موڈیمز موبائل ٹاور کی طرح خلا سے براہ راست اسمارٹ فونز کو سگنل بھیجیں گے، اور یہ موبائل کمیونیکیشن کا نیا دور شروع کرے گی۔
موبائل فون اب سگنلز کے بغیر کے تصور کو حقیقت بنانے کے لیے یوکرین پہلا ملک ہوگا جہاں یہ سروس متعارف کرائی جائے گی۔ یوکرین کے موبائل آپریٹر Kyivstar نے اسٹار لنک کے ساتھ اس حوالے سے معاہدہ کیا ہے۔ ابتدائی طور پر سروس میں میسجنگ کی سہولت ہوگی، جب کہ بعد میں وائس اور ڈیٹا سروسز کو بھی شامل کیا جائے گا۔
دوسری جانب، ایلون مسک نے اپنی ایکس پروفائل کو اپ ڈیٹ کرتے ہوئے نام “کیکئس میکسمس” رکھ لیا اور پروفائل پکچر بھی تبدیل کر دی۔ اسپیس ایکس کی یہ پیش رفت ظاہر کرتی ہے کہ موبائل فون اب سگنلز کے بغیر استعمال ہونے کا خواب جلد ہی حقیقت بننے والا ہے۔
