محکمہ موسمیات نے یکم جنوری سے 6 جنوری تک بارش اور برفباری کی پیشگوئی کی ہے۔ محکمہ موسمیات کے مطابق آج ملک کے بیشتر علاقوں میں موسم سرد اور مطلع جزوی ابر آلود رہنے کا امکان ہے۔ تاہم شمال مغربی بلوچستان، بالائی خیبر پختونخوا، گلگت بلتستان اور کشمیر میں بارش اور برفباری کی پیشگوئی کی گئی ہے۔
بارش اور برفباری کی پیشگوئی کے مطابق، مغربی ہوائیں آج رات بلوچستان میں داخل ہوں گی، جس کے باعث 2 سے 4 جنوری تک صوبے کے 18 اضلاع میں بارش اور برفباری کا امکان ہے۔ ان ہواؤں کی وجہ سے 6 جنوری تک ملک کے بالائی علاقوں میں بارش اور برفباری کا سلسلہ جاری رہنے کی توقع ہے۔
محکمہ موسمیات نے خیبر پختونخوا کے بالائی اضلاع میں بھی بارش اور برفباری کی پیشگوئی کی ہے، جس کے باعث پی ڈی ایم اے نے الرٹ جاری کر دیا ہے۔ 2 سے 6 جنوری تک بارش اور برفباری کے امکانات ہیں، جس سے عوام کو احتیاطی تدابیر اختیار کرنے کی ہدایت کی گئی ہے۔
مری، گلیات، اور دیگر پہاڑی علاقوں میں بھی بارش اور برفباری کی پیشگوئی کی گئی ہے، اور سیاحوں کو ان علاقوں میں سفر سے گریز کرنے کی ہدایت کی گئی ہے۔ کشمیر اور گلگت بلتستان میں بھی موسم شدید سرد رہنے کے علاوہ بارش اور برفباری کی پیشگوئی کی گئ
